Mhada Mill Workers Home : मुंबई गृहनिर्माण आणि क्षेत्र विकास मंडळाने (म्हाडा) आज मुंबईतील गिरणी कामगारांना (Mill Workers) घरे देण्यासाठी पात्रता ठरवण्याबाबत एक मोठी अपडेट दिलेली आहे. मागील सोडतीत यशस्वी न झालेल्या 1 लाख 50 हजार 484 गिरणी कामगार आणि त्यांच्या वारसांची पात्रता निश्चित करण्यासाठी विशेष मोहीम आता म्हाडा कार्यालयाजवळील MIG क्रिकेट मैदानासमोर, वांद्रे पूर्व येथील समाज मंदिर हॉल येथे राबविण्यात येणार आहे.
गिरणी कामगार आणि त्यांच्या वारसांनी सकाळी 10.30 ते सायंकाळी 5 या वेळेत येथे कागदपत्रे जमा करण्याचे आवाहन म्हाडाने केले आहे. मुंबईतील 58 बंद किंवा आजारी गिरणी कामगारांना घरे दिली जाणार आहेत. गिरणी कामगार आणि वारसांची पात्रता निश्चित करण्यासाठी, गिरणीमध्ये काम करण्यासाठी आवश्यक असलेली जास्तीत जास्त 13 कागदपत्रे म्हाडाच्या http://millworkereligibility.mhada.gov.in या अधिकृत वेबसाइटवर किंवा मोबाइलद्वारे ऑनलाइन अपलोड करणे आवश्यक आहे.
ॲपद्वारे अपलोड केले असल्यास त्यांना प्रत्यक्ष येऊन कागदपत्रे जमा करण्याची आवश्यकता नसल्याचे, असे म्हाडाने म्हटले आहे. म्हाडाचे मुख्याधिकारी मिलिंद बोरीकर म्हणाले की, ऑनलाईन सुविधेअंतर्गत आतापर्यंत 900 अर्ज प्राप्त झाले आहेत. म्हाडाच्या http://millworkereligibility.mhada.gov.in या अधिकृत वेबसाइटवर दस्तऐवज अपलोड करण्याच्या सुविधेचा लाभ घेऊन जास्तीत जास्त गिरणी कामगार आणि त्यांच्या वारसांनी या मोहिमेत सहभागी व्हावे, असे आवाहनही त्यांनी केले.
विशेष पात्रता मूल्यमापन मोहीम हा गिरणी कामगारांना, त्यांच्या वारसांना घरे देण्यासाठी सुरू असलेल्या प्रयत्नांचा एक भाग आहे. या मोहिमेत सहभागी होण्यासाठी राज्यातील विविध ठिकाणांहून गिरणी कामगार आणि त्यांचे वारस म्हाडाच्या मुख्यालयात येत आहेत. मात्र, सोयीनुसार ऑनलाइन किंवा ऑफलाइन कागदपत्रे जमा करण्याची सुविधा उपलब्ध आहे. त्यामुळे वृद्ध गिरणी कामगारांनी प्रवास करून म्हाडा कार्यालयात येण्याऐवजी कागदपत्रे जमा करण्यासाठी ऑनलाइन सुविधेचा वापर करावा, असे आवाहन बोरीकर यांनी केले आहे.
गिरणी कामगार / वारसांनी खाली दिलेल्या पैकी जास्तीत जास्त कागदपत्रे सादर करावेत
- 1) गिरणी कामगारांचे ओळख पत्र ,
- 2) तिकीट नंबरची प्रत,
- 3) सर्विस प्रमाणपत्र ,
- 4) लाल पास,
- 5) प्रोव्हिडेंट फंड क्रमांक,
- 6) इ एस आय सी क्रमांक,
- 7) मिल प्रमाणपत्र प्रत,
- 8) हजेरी पत्र ,
- 9) लीव्ह रजिस्टर प्रत,
- 10) उपदान प्रदान आदेश ,
- 11) भविष्य निर्वाह निधि सेटलमेंट आदेशाची प्रत,
- 12) पगार पावती ,
- 13) आधार कार्ड आणि इतर तत्सम कागदपत्र
महाहाऊसिंग घरांसाठी रजिस्ट्रेशन करण्यासाठी येथे क्लीक करा
हेही वाचा : Mhada : म्हाडा’च्या घरांसाठी मिळणार 70 हेक्टर जमीन, जाणून घ्या कोणत्या ठिकाणी असणार जमिनी