Mhada Lottery 2023 च्या अर्जाला आणि म्हाडाच्या कोकण विभागातील 5 हजार 311 घरांच्या मंजुरीला अत्यल्प प्रतिसाद मिळाला आहे. सोडतीत समाविष्ट अर्जांची संख्या दहा हजारांच्या मर्यादेपेक्षा जास्त होण्याची शक्यता नसल्याने अर्ज स्वीकारण्याची मुदत एक महिन्याने वाढविण्याचे कारण नव्हते. या मुदतवाढीनुसार, उमेदवार आता 18 नोव्हेंबरपर्यंत RTGS-NEFT द्वारे जमा रकमेसह अर्ज सादर करू शकतात. त्यामुळे 7 नोव्हेंबरची सोडत रद्द करण्यात आली असून आता 13 डिसेंबर रोजी सोडत काढण्यात येणार आहे.
कोकण मंडळाच्या मे महिन्याच्या सोडतीतील शिल्लक आणि इतर उपलब्ध घरांसाठी सप्टेंबरमध्ये सोडतीची जाहिरात प्रसिद्ध करण्यात आली आहे. तर, १५ सप्टेंबरपासून अर्ज स्वीकारण्यास सुरुवात झाली आहे आणि RTGS, NEFT सह जमा रक्कम भरून अर्ज सादर करण्याची अंतिम तारीख १८ ऑक्टोबर रोजी संपत आहे. तसेच, ठेवीसह दाखल केलेल्या अर्जांची संख्या ही 10,000 च्या पुढे जाण्याची शक्यता देखील नाही.आणि त्यामुळेच अर्ज स्वीकारण्याची मुदत ही वाढवून देण्याचा प्रस्ताव कोकण मंडळाने म्हाडाचे उपाध्यक्ष संजीव जयस्वाल यांच्याजवळ मंजुरीस पाठवला आहे. या प्रस्तावाला शुक्रवारी मंजुरी देण्यात आली.
घरे विक्रीसाठी विविध योजना आखणार
विरार-बोलिंगे येथील प्रधानमंत्री आवास योजनेंतर्गत म्हाडाच्या कोकण मंडळाच्या घरांची विक्री होत नसल्याने म्हाडा प्राधिकरण चिंतेत आहे. त्यामुळे आर्थिक समस्याही निर्माण होत आहेत. या पार्श्‍वभूमीवर आता मंडळाकडून मुदतवाढीच्या काळात घरांच्या विक्रीसाठी विविध योजना आखल्या जात आहेत. सोडतीबाबत जनजागृती करण्यात येणार आहे. अशा स्थितीमध्ये या सोडतीची वेगवेगळ्या माध्यमातून प्रसिद्धी केली जाणार असल्याचे मंडळाच्या अधिकाऱ्याकडून सांगितले.
अर्ज नोंदणी प्रक्रिया पूर्णपणे ऑनलाईन Mhada Lottery 2023
ऑनलाइन पद्धतीने नोंदणी, कागदपत्रे अपलोड आणि ऑनलाइन पेमेंट यासारख्या अनेक सुविधा सहज उपलब्ध होतील. सोडतीमध्ये सहभाग होण्यासाठी अर्जदाराला अँड्रॉइड किंवा आयओएस या दोन्ही ऑपरेटिंग सिस्टीमवर IHLMS 2.0 या संगणक प्रणालीमध्ये प्रवेश असणे आवश्यक आहे. म्हाडा हाउसिंग लॉटरी सिस्टीम नावाचे मोबाईल अॅप गुगल प्ले स्टोअरवर उपलब्ध करून देण्यात आले आहे. तसेच, अर्जदारांच्या सोयीसाठी, म्हाडाच्या https://housing.mhada.gov.in या अधिकृत वेबसाइटवर अर्ज नोंदणी प्रक्रियाही उपलब्ध करून देण्यात आली आहे.
अर्जदारांना नवीन संगणकीकृत प्रणालीची ओळख करून देण्यासाठी मार्गदर्शक पुस्तिका वेबसाइटवर उपलब्ध करून देण्यात आल्या आहेत. अर्जदारांनी सोडत प्रक्रियेमध्ये सहभागी होण्यापूर्वी ही मार्गदर्शन पुस्तिका काळजीपूर्वक वाचावी अशी कोकण मंडळाची विनंती आहे.